- Ito ay isang pelikula hango sa mga totoong pangyayari noong 17th century, at isa mga pelikula ng batikang direktor na si Steven Spielberg. Ito ay ang mga totoong pangyayari noong panahon ng eksplorasyon at paggagalugad ng mga Europeo. Ito ay patungkol sa isang slave-ship na kung tawagin ay La Amistad, kung saan binihag ang maraming Aprikano ang binihag upang ipadala sa Cuba at gawing mga alipin. Sa kanilang paglalakbay kasama ang mga Espanyol, sila ay pinahirapan at pinagpapapatay ng mga ito. May isang Aprikano roon, si Cinqué, na namumukod-tangi sa kanila. Kasama ang kanyang mga kapwa Aprikano, inatake nila at pinatay ang karamihan sa mga Espanyol sa kanyang pangunguna. Ang natira lamang na buhay ay ang mga kapitan ng barko. Sa kanilang paglalayag, nakarating sila sa Amerika at pinatapon sa kulungan habang pinoproseso pa ng korte ng Amerika ang tungkol sa kanila. Dito pumasok si President John Quincy Adams at dinipensahan ang kaso ng mga alipin. Sa huli, nagpasya ang korte na sila ay palayain at pabalikin sa kanilang tirahan.
Isa ito sa mga magagandang pelikula na nagpapakita ng mga totoong pangyayari noong panahon ng explorasyon at kolonisasyon. Ipinapakita rito ang masasamang naidulot ng panahong ito, at ang katotohanang dulot ng mga Europeo noon. Ipinapakita rin dito ang pang-aapi at pang-aabuso na ginagawa noon sa mga mamamayan ng iba’t ibang bansa na wala namang kamalay-malay. Hinid makatarungan ang ginawang pagdakip at pagbihag sa mga Aprikano dahil basta na lamang sila kinuha ng mga Espanyol ng walang dahilan. At hindi makatarungan ang pagtrato sa kanila sa barko. Hindi makatao ang kanilang ginawa kung kaya’t umapoy sa mga damdamin ng mga Aprikano na magrebelyon at atakihin ang mga Espanyol na ito.
Napakagaling ng pagkakagawa ng pelikulang ito, lalo na’t ang direktor ay napakagaling din. ☺
Isang sistema ng pakikipagtulungan at pagsama-sama kabilang ang mga tao, mga kompanya at pamahalaan ng iba’t ibang bansa sa kapamaraanang maghatid ng pandaigdigang pakikipagkalakalan at pamumuhunan sa tulong ng kaalamang teknolohiya.
Ang Globalisasyon sa Kasalukyang Panahon
IBRD - International Bank for Reconstruction and Development
IMF - International Monetary Fund
GATT - General Agreement on Tariffs Treaty
WTO - World Trade Organization
OPEC - Organization of Petroleum Exporting Countries
Ito ay isang bagong paraan ng kolonisasyon na kung saan ang isang makapangyarihang bansa ay isinasangkalan ang kalakalan at pulitika upang makontrol ang mga hindi gaanong maunlad at industriyalisadong bansa.
Mga Anyo ng Neokolonyalismo
Pang-ekonomiya
Pulitikal
Militar
Mga Epekto ng Neokolonyalismo
Sobrang pagsandal sa Mayaman at Makapangyarihang bansa
Pagdikta sa Ekonomiya ng Umuunlad at Mahihirap na Bansa
Ang ideolohiya ay kalipunan ng mga ideya o kaisipan na naglalaman ng mga pangangailangang panlipunan at mga layunin ng isang indibidwal, pangkat, uri ng tao o kultura.
Nagsimula ang ideolohiya sa salitang French na ideologie. Ipinakilala ito ng pilosopong si Desutt de Tracy bilang pantawag sa kanyang “agham ng mga ideya” nakuha niya ang ideyang ito kay John Locke at Etienne Bonnot de Condillac.
Mga Katangian ng Ideolohiya
Nagtataglay ito ng paliwanag sa kabuuan, ng mga karanasan ng tao at ang kanyang paligid.
Mayroon itong programa sa pangkalahatan at pangkaisipan ng isang organisasyong panlipunan at pulitikal.
Nakikita nito ang pagtupad sa mga programa na maituturing na isang hamon.
Nagsisikap itong kumbinsihin at akitin ang katapatan ng naturang ideya.
Patungkol ito sa publiko sa kabuuan ngunit nagtatakda rin ng mga tuntunin sa pamumuno para sa intelektuwal.
Kami ang ikalawang pangkat ng Heroismo. Ang aming blog ay naglalaman ng mga impormasyon tungkol sa mga mahahalagang pangyayari noon. Sana ay marami kayong matutunan dito. Salamat sa pag-bisita! :)
